SCOLARI KUBAKIZA KOMBE LA DUNIA BRAZIL

                        
                                               Louis Felipe Scolari

Felipe Scolari amechaguliwa kuiongoza Brazil katika kombe la Dunia huko Brazil. Scolari aliiongoza Brazil katika ushindi wao wa mwaka 2002 na sasa ataiongoza timu hiyo ya taifa ambayo ina vikombe vitano vya Dunia katika michuano itayofanyika mwaka 2014 .
Bosi huyo wa zamani wa Chelsea alikuwa hana kazi tangu alipoondoka Palmeiras in Septemba, pia aliiongoza Ureno 2006 katika kombe la dunia na mwaka 2004 na 2008 katika Kombe la mataifa ya Ulaya.
Scolari amefurahia kuchaguliwa kwake katika kuiongoza timu hiyo.
Uteuzi huo umeenda sambamba na kuteuliwa kwa Pereila kuwa mkurugenzi wa ufundi katika timu ya taifa ya Brazil ili kuweka nguvu katika kuandaa timu ambayo italibakiza kombe la dunia katika ardhi ya nyumbani.